nakakapagod

minsan mas okay din ang maging mahina..

kasi mas nakikilala mo sarili mo

kapag malakas ka, pakiramdam mo kaya mo lahat

wala kang kapaguran

positibo ang pananaw mo sa buhay

wala kang nakikitang pangit, puro maganda at masaya

madapa ng isa, dalawa, o kahit ilan pa

walang pahi-pahinga

tayo agad, diretso ang lakad

minsan pa nga, tumatakbo pa para lang mauna

pero ngayong araw na to' gusto kong maramdaman ang pagod

nakikita ko kasi na hindi sa lahat ng oras tama ako

hindi laging tama ang mga naiisip ko

 na nagkakamali rin pala ako

nakakasakit

nakakalimot sa iba at sa sarili

gusto kong mapagod kasi gusto ko namang magpahinga

yun ba'ng huminto man lang ang oras, ang mundo

at gawin ang talagang gusto ko

 gusto kong makilala ang sarili ko

gusto kong malaman kung ano ang dapat ant hindi para as akin

ngayon, napagod ako

umiyak

natalo

natakot

nanghihina

nangangailangan

parte naman kasi ng buhay mga iyan.

pumapalakpak ang mga kamay ko sa mga taong milya milya ang narating

di ma-abot na pwesto sa itaas

nakakainggit na kayamanang taglay

pero, sa tingin ko mas nakakangiti ako sa kanila

kasi kahit papano, mas naramdaman ko yung kapayapaan

nakuha ko yung katahimikan

nayakap ko kung ano ang kulang sa akin

nakita ko kung ano ang mga mali sa akin

natanggap ko ang sarili ko nang buo

minahal ko kung ano ang meron at wala ako

kaya kahit wala ako ng lahat..kaya kong mag-taas noong nakatingin sa kanila

ng walang inggit

o masamang hangarin

ni mang-gaya ng estado

nangyari lahat...nung napagod ako